Grøne løyper med grøne skilt og grøn farge på på løypekart,  ligg i
lågareliggande terreng og i skogsterreng utan bratte bakkar.

A1 – Seljestad lågland, 12 km
Seljestad lågland er løypa som vil bli køyrt dagleg ved behov når snøforhold
 og vær tillett det. Løypa går i området mellom E134 og Seljestadstølen, og er
variert med veksling mellom motbakkar, flatar og unnabakkar. Første del av
løypa har sol heile året (i godvær). Etter 2,5 km er det flott utsiktspunkt mot
Oddadalen og Løyningsdalen. Etter 7 km kjem løypa til Seljestadstølen, før
ho returnerer mot start i sløyfer med fine utforkøyringar. Løypa går i det
området som er minst utsett for vind, og det er få dagar i løpet av vinteren
at det ikkje er forsvarleg å gå tur i dette området.

A2 – Seljestadstølen, 8 km
Dette er søndre del av A1 Seljestad lågland. Løypa går inn til Seljestadstølen,
som er eit kjent og kjært turmål for dei som ikkje vil gå lange turar. På
Seljestadstølen er det flotte bakkar som innbyr til mykje leik og moro.

A3 – Hareløypa, 7 km
Dette er nordre del av A1 Seljestad lågland. Løypa går i eit flott og solrikt
område og har mange flotte stader til å rasta for småbarnsfamiliar. Flott
utsikt mot Folgefonna, Oddadalen og Løyningsdalen etter 2,5 km.

A4 – Bamseløypa, 3,5 km
Løypa snur like før ”Damekneiken”, og har slakke stigningar og slakke
utforkøyringar. Traseen ligg i eit lunt og solrikt område.

A5 – Museløypa, 2 km
Løypa går på flatane inn mot gamlestølen, og er ei fin løype for dei aller
yngste til å læra seg å gå på ski. Ligg i eit lunt og solrikt område.